「任睇唔嬲」嘅荷蘭人
IG: @ally_blahblah
https://instagram.com/ally_blahblah?igshid=1jtemurbno3q7
走過荷蘭嘅大街小巷，外國人覺得最奇怪嘅就係：點解荷蘭人唔用窗簾，任由外人望入屋內呢？
好多荷蘭嘅住宅都係樓高三至五層嘅「Dutch House」；亦有唔少係只有一兩層嘅獨立屋。無論係邊種屋，荷蘭人好少用窗簾，而且啲窗特別大。街上嘅路人經過，好容易會見到屋內嘅情況。當好多外國人感到大惑不解，荷蘭人就會話：「I’ve got nothing to hide」
相傳有幾個唔同原因：
第一，同宗教有關。
雖然現今荷蘭社會有唔同宗教背景嘅人。但好多年前荷蘭社會深受新教教派(Protestantism)中嘅加爾文主義(Calvinism)影響。
加爾文主義嘅主要價值觀就係努力工作（但又唔使太努力），紀律同節儉。同天主教唔同，天主教徒相信可以用錢購買救贖，而加爾文主義者相信命運已經由上帝預先設定。
除此之外，天主教同新教本質上有矛盾嘅地方。天主教徒崇尚物質主義奢華，而加爾文主義者主張節儉，信徒必須通過自己嘅經濟活動同自我控制來證明自己嘅信念。
從歷史上嚟睇，好多天主教嘅高級神職人員享受到唔少「著數」，但總係閉門造車，更重要嘅係，連窗簾都關上。相反，加爾文主義嘅心態集中喺開放政策上，「冇嘢需要隱瞞」，連窗簾都唔關。
另一個原因，係防止婦女紅杏出牆。
相傳係因為好多荷蘭男性會出海，為防止佢哋嘅妻子出軌，好多屋企都會打開窗簾，望到晒入邊，咁樣留喺屋企嘅婦女就唔會俾人話紅杏出牆；相反，如果關咗窗簾，就會惹來鄰居嘅懷疑。
不過，一個比較「實際」嘅原因，就係荷蘭陽光普照嘅日子唔多，所以爲左增加室內自然光，窗戶嘅設計都係越大越好，而窗簾會遮擋陽光。
無論係咩原因令荷蘭人「任睇唔嬲」，外地人嚟到荷蘭都要少少時間適應呢一種獨特嘅「開放式生活」。不過時間長咗，有時候行過一條街，留意到唔到家庭嘅佈置/生活習慣等，其實都幾有趣。
又：近年多咗人（特別係住地吓嗰層）會喺窗玻璃加上一層磨砂，增加私隱度。一般喺大城市嘅遊客區會比較常見。
#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #香港人在荷蘭 #香港人在歐洲 #香港人加油 #搵工 #歐洲文化 #荷蘭文化
Search